عمران خان کسی عورت کو نہیں بخشے گا، نوجوانوں کو گالیوں کی تربیت دی جارہی ہے، عائشہ گلالئی

اسلام آباد: قومی اسمبلی میں عائشہ گلالئی نے بولتے ہوئے کہا کہ عمران خان خدا نہیں، یہ کسی عورت کو نہیں بخشے گا، میں پی ٹی آئی کی ورکر خواتین کو ایک بار پھر خبردار کرتی ہوں کہ وہ بچ کے رہیں- عائشہ گلالئی کے بولنے کے دوران پی ٹی آئی کے اراکین اسمبلی مسلسل شورشرابا کرتے رہے لیکن عائشہ گلالئی نے اپنی بات جاری رکھی-انہوں نے کہا کہ سب سے اہم چیز کردار ہوتا ہے جو عمران خان میں نہیں- عائشہ گلالئی نے کہا کہ انہیں قتل اور تیزاب پھینکے کی دھمکیاں دی جارہی ہیں-انہوں نے کہا کہ پی ٹی آئی والے نوجوانوں کو گالیاں دینے کی تربیت دے رہے ہیں- عائشہ گلالئی نے الزام لگایا کہ اس کلچر سے پی ٹی آئی کی خواتین بھی نہیں بچ سکیں گی-انہوں نے کہا کہ عزت اور غیرت کے معاملے پر کوئی سمجھوتا نہیں کیا جاسکا- اپنے خطاب کے دوران عائشہ گلالئی نے کہا کہ میرے خاندان پر تہمتیں لگائی گئیں- یہی پی ٹی آئی کا کلچر ہے، جب تک کوئی پی ٹی آئی میں ہے بالکل ٹھیک ہے لیکن جونہی کوئی علیحدگی اختیار کرتا ہے اسے نشانے پر رکھ لیا جاتا ہے

share