ندہاس ٹی ٹوئنٹی سیریز بھارت کے نام

کولمبو(ڈیلی پاکستان آن لائن)بھارت نے ندہاس ٹی ٹوئنٹی سیریز کے فائنل میں سنسنی خیزمقابلے کے بعد بنگلہ دیش کو 4وکٹوں سے شکست دے کر اعزاز اپنے نا م کرلیا۔

کولمبو میں کھیلے جانے والے اس فائنل میچ میں بھارت نے ٹاس جیت کرپہلے فیلڈنگ کا فیصلہ کیاتو بنگلہ دیش نے مقررہ اوورز میں 8وکٹوں کے نقصان پر 166رنز بنائے ان کی اننگ میں شبیر رحمان کے 77رنز نمایاں ہیں جبکہ محمداللہ نے 21اور مہدی حسن نے 19رنز بنائے۔

بھارت کی جانب سے یوزیندرا چاہل نے 3،جادیو انڈاکٹ نے 2جبکہ واشنگٹن سندر نے ایک وکٹ حاصل کی۔

بھارت نے مطلوبہ ہدف سنسنی خیز مقابلے کے بعدکھیل کے آخری گیند پر حاصل کرلیا ،ان کی اننگ میں روہت شرما56،دنیش کارتیک29اور منیش پانڈے 28رنز بناکر نمایا ں رہے ۔

بنگلہ دیش کی جانب سے ربیل حسین نے 2جبکہ شکیب الحسن ،نازملاسلام ،مستفیض الرحمان اور سومیا سرکار نے ایک ،ایک وکٹ حاصل کی ۔

share