Saturday, October 21, 2017

’غیرت کے نام پر نوجوان قتل ‘لاش درخت سے لٹکا دی گئی

راولپنڈی( ڈیلی پاکستان آن لائن )راولپنڈی کے نواحی قصبے ٹھلہ کلاں میں ایک 23 سالہ نوجوان کی لاش درخت کے ساتھ لٹکی ہوئی پائی گئی۔مقتول کی شناخت مبشر کے نام سے کی گئی، کے اہلخانہ نے الزام عائد کیا کہ اسے منیر نامی ایک شخص نے غیرت کے نام پر قتل کیا، جسے شبہ تھا کہ مقتول کے اس کی اہلیہ کے ساتھ تعلقات ہیں۔
تفصیلات کے مطابق مقتول کے بھائی کی مدعیت میں چونترہ پولیس نے منیر سمیت 4 ملزمان کے خلاف مقدمہ درج کیا، جنہوں نے مبشر کو قتل کرکے اس کی لاش ایک درخت سے لٹکا دی اور پھر جائے وقوع سے فرار ہوگئے۔تفتیشی افسر سب انسپکٹر احمد نواز نے ڈان نیوز کو بتایا کہ مقتول نوجوان چرواہا تھا، تاہم اس بات کی تصدیق پوسٹ مارٹم رپورٹ کے ذریعے ہوگی کہ ملزمان نے مقتول کو زہر دے کر قتل کیا یا پھر اس کا گلا گھونٹا گیا۔تاہم ان کا کہنا تھا کہ چونکہ نوجوان کی لاش درخت سے لٹکی ہوئی پائی گئی، لہذا پولیس تفتیش میں اس پہلو کو بھی مدنظر رکھا جا رہا ہے کہ کہیں مبشر نے خودکشی تو نہیں کی۔مقتول کے بھائی محمد اقرار نے پولیس کو بتایا کہ منیر کو شبہ تھا کہ اس کی اہلیہ اور مبشر کے آپس میں تعلقات ہیں، لہذا اس نے اسے بغیر کسی تحقیق اور شواہد کے موت کے گھاٹ اتار دیا۔

Fariha Taj

0 comments: