ویرات کوہلی اور انوشکا نے ہنی مون کی تصویر شیئر کر دی ،انتہائی خوبصورت مناظر

ممبئی(ڈیلی پاکستان آن لائن )بھارتی کھلاڑی ویرات کوہلی اور انوشکا شرما شادی کے بعد ہنی مون منا رہے ہیں اور انہوں نے اپنی تصویر مداحوں کے ساتھ شیئر کرکے سب کو حیران کر دیاہے ۔

بھارتی ویب سائیٹ ’این ڈی ٹی وی ‘کے مطابق انوشکا شرما نے تصویر پوسٹ کرتے ہوئے لکھا ہے کہ ایسا لگ رہا ہے کہ وہ جیسے جنت میں ہیں۔سیلفی میں دیکھا جاسکتا ہے کہ اداکارہ انوشکا کے ہاتھوں کی مہندی کا رنگ بھی پھیکا نہیں پڑا ہے اور ان کی انگلیوں میں شوہر کی جانب سے تحفہ دی گئی قیمتی انگوٹھی بھی موجود ہے۔شادی شدہ جوڑے نے اپنے ہنی مون کی جگہ کو بھی شادی کی طرح خفیہ رکھا ہے لیکن برفیلے پہاڑ دیکھ کر اندازہ لگانا مشکل نہیں ہے کہ یہ جوڑی یورپ میں ہی کہیں مقیم ہے۔

واضح رہے کہ ویرات کوہلی اور انوشکا شرما گزشتہ دنوں اٹلی میں رشتہ ازدواج میں منسلک ہوئے تھے۔ دونوں کی شادی کی تقریبات خفیہ انداز میں ہوئی ہیں لیکن انوشکا اور ویرات نے 11 دسمبر کو ایک ساتھ ٹوئٹ کرکے اپنے چاہنے والوں کو شادی کی خبر دی تھی۔

share