نواز شریف پارک میں خواتین کے ساتھ چھیڑخانی سے منع کرنے پر دوبھائیوں نے فائرنگ کردی
خواتین کو چھیڑنے سے منع کرنے پر نواز شریف پارک میں دوبھائیوں نے فائرنگ کردی۔تفصیلا ت کے مطابق چیچہ وطنی میں واقع نواز شریف پارک میں فائرنگ کا واقعہ اس وقت پیش آیا جب لوگوں نے دو بھائیوں کو خواتین کے ساتھ چھیڑخانی اور بدتمیزی کرنے سے منع کیا۔ خواتین کو چھیڑنے سے منع کرنے پر دونوں بھائیوں نے فائرنگ کردی جس کے نتیجے میں پارک میں موجود افراد میں خوف و ہراس پھیل گیا اور لوگوں کی دوڑیں لگ گئیں۔پارک میں موجود لوگوں نے ریسکیو نمبر ون فائیو رپ کال کرکے اطلاع دی تو پولیس موقع پر پہنچ گئی جبکہ پولیس کے مطابق ملزمان کے خلاف شواہد اکٹھے کرکے کارروائی شروع کردی گئی ہے جبکہ کوئی گرفتاری ابھی تک عمل میں نہیں آئی:۔
0 comments: