Pakistan's Prime Minister Nawaz Sharif will be the chief guest at a defense exhibition

وزیراعظم نواز شریف پاکستان کی سب سے بڑی دفاعی نمائش میں کل مہمان خصوصی ہوں گے

اسلام آباد -وزیر اعظم نوازشریف کل ایک روزہ دورے پر کراچی جائیں گے۔ تفصیلات کے مطابق وزیر اعظم نوا ز شریف کل کراچی پہنچیں گے جہاں وہ کراچی ایکسپو سینٹرمیں پاکستان کی سب سے بڑی دفاعی نمائش آئیڈیاز 2016 ءکی افتتاحی تقریب میں بطور مہمان خصوصی شرکت کریں گے۔ وزیر اعظم گورنر سندھ جسٹس (ر)سعید الزماں صدیقی کی عیادت بھی کریں گے۔ ذرائع کے مطابق وزیراعظم کی زیرِصدرات میں گورنر ہاؤس میں امن وامان کی صورت حال پر اعلٰی سطح کا اجلاس بھی متوقع ہے۔

واضح رہے کہ ملک کی سب سے بڑی دفاعی نمائش آئیڈیاز 2016ءکل سے کراچی میں شروع ہورہی ہے، جو 26 نومبر تک جاری رہے گی۔ نمائش میں 43 ممالک سے 90وفود شرکت کریں گے جبکہ 261 غیر ملکی اور 157 پاکستانی اسلحہ ساز کمپنیاں اپنی مصنوعات پیش کریں گی :-

share