کونسا ووٹ گنتی میں شامل اورکونسا خارج ہوگا؟ وہ بات جو ووٹ ڈالنے سے پہلے ہر پاکستانی کو معلوم ہونی چاہیے

اسلام آباد(ڈیلی پاکستان آن لائن ) الیکشن 2018کیلئے پولنگ کے بعد کون سا ووٹ گنتی میں شامل اور کونسا خارج ہوگا، الیکشن کمیشن نے واضح کر دیا۔ الیکشن کمیشن کے مطابق آفیشل کوڈ مارک اور اسسٹنٹ پریذائیڈنگ افسر (اے پی او) کے دستخط کے بغیر بیلٹ پیپر گنتی سے خارج ہوگا۔ واٹر مارک والے بیلٹ پیپر کے سوا دوسرا کوئی بیلٹ پیپر بھی گنتی سے خارج ہوگا۔ الیکشن کمیشن کے مطابق صرف مخصوص9خانوں کی مہر والا بیلٹ پیپر ہی گنتی میں شامل ہوگا جبکہ وہ بیلٹ پیپر گنتی میں شامل ہوگا جس پر مہر کا نشان کسی خاص امیدوار کے لیے واضح ہو۔ دوسری جانب کاغذ یا کوئی چیز لگانے سے بھی بیلٹ پیپر خارج تصور ہوگا۔ الیکشن کمیشن کے مطابق ایک ہی نشان پر ایک سے زائد بار یا ایک ہی نشان پر مہر والا بیلٹ پیپر تسلیم ہوگا۔

share