”پاکستانی اس چیز میں چھائے ہوئے ہیں “ کپل شرما نے ایسی بات کہہ دی کہ سن کر انتہا پسند ہندوﺅ جل بھن جائیں گے

لاہور(ڈیلی پاکستان آن لائن ) بھارت کے معروف کامیڈین کپل شرما کی نئی فلم ”فرنگی“ آج پاکستان بھرمیں نمائش کے لیے پیش کی جائے گی۔

تفصیلات کے مطابق ”فرنگی“ کو پاکستان میں نمائش کے لیے حقوق ’آئی ایم جی سی ‘ گروپ نے حاصل کیے ہیں۔ اپنی فلم کی پاکستان میں ریلیز کے حوالے کپل شرما نے نجی ٹی وی سے گفتگوکرتے ہوئے کہا کہ میرے بہت سے آئیڈیل فنکاروں کا تعلق پاکستان سے ہی ہے۔ ان میں میوزک کی بات کروں یا کامیڈی کی، دونوں ہی شعبوں میں پاکستانی فنکارچھائے ہوئے ہیں۔ بہت سے پاکستانی فنکاراورکھلاڑی میرے دوست ہیں،اس لیے پاکستان سے ایک گہرا رشتہ ہے۔ جہاں تک بات میرے پروگرام کی مقبولیت کی تھی تودنیا بھرکے مقابلے میں زبردست قسم کا رسپانس پاکستان سے ملتا تھا۔ جس کے لیے میں دل کی گہرائیوں سے پاکستان اوراس کی عوام کا شکرگزارہوں۔

انھوں نے کہا کہ بطورہیرومیری نئی فلم ”فرنگی“ پاکستان میں نمائش کے لیے پیش کی جارہی ہے۔ اس لیے میری اپنے چاہنے والوں سے اپیل ہے کہ وہ اس فلم کودیکھنے کے لیے سینما گھروں میں ضرورجائیں۔

share