پشاور سے افسوسناک خبرآگئی، بم پھٹنے سے متعدد ہلاک
پشاور -پشاورمیں سڑک کے کنارے نصب بم پھٹنے سے تین ایف سی اہلکار شہید اور چار زخمی ہو گئے۔ دھماکہ خیز مواد بشیر آباد میں سڑک کے کنارے نصب کیا گیا تھا۔ ایف سی اہلکاروں کی گاڑی جیسے ہی قریب پہنچی زوردار دھماکہ ہو گیا جس میں تین ایف سی اہلکار شہید اور چار زخمی ہو گئے۔ دھماکے سے قریب کھڑا رکشہ بھی تباہ ہو گیا۔ دھماکے کے بعد زخمیوں کو فوری طور پر ہسپتال منتقل کر دیا گیا جہاں انہیں طبی امداد دی جا رہی ہے۔ پولیس نے جائے وقوعہ کو گھیرے میں لے کر روڈ کو ٹریفک کیلئے بند کر دیا۔ پولیس نے جائے وقوعہ سے اہم شواہد اکھٹے کر لئے ہیں
0 comments: