Unidentified persons shot dead prufysrjan Science College

نامعلوم افراد کی فائرنگ سے سائنس کالج کے پروفیسرجاں بحق

لاہور -علامہ اقبال ٹاؤن میں نامعلوم افراد کی فائرنگ سے مقامی کالج کے پروفیسر جاں بحق ہوگئے۔ ذرائع کے مطابق لاہور کے علاقے علامہ اقبال ٹاؤن میں نامعلوم مسلح افراد نے فائرنگ کرکے وحدت روڈ سائنس کالج کے پروفیسر کو ہلاک کردیا ہے۔ پولیس کے مطابق راؤ الطاف جوہر ٹاؤن سے اقبال ٹاؤن بچوں کو اسکول چھوڑنے آئے تھے کہ موٹر سائیکل پر سوار 2 مسلح افراد نے فائرنگ کردی جس کے نتیجے میں پروفیسر راؤ الطاف موقع پر ہی جاں بحق ہوگئے۔

پولیس حکام کا کہنا تھا کہ راؤ الطاف سائنس کالج میں زولوجی ڈیپارٹمنٹ کے پروفیسر تھے اور ابتدائی معلومات کے مطابق واقعہ دشمنی کا شاخسانہ لگتی ہے پولیس نے لاش سرد خانے منتقل کرکے جائے وقوعہ سے شواہد اکٹھے کرلئے ہیں اور تفتیش شروع کردی گئی ہے

share