آپ حیران رہ جائیں گے، اس سپر سٹار کو پہچاننا یقیناً ناممکن ہے!
اکشے کمار کو آپ نے اکثر مزاحیہ یا ایکشن کرداروں میں دیکھا ہوگا مگر ایک نئی فلم کے لیے جو روپ انہوں نے اپنایا ہے اس میں انہیں پہچاننا لگ بھگ ناممکن ہے۔ انڈین لیجنڈ اداکار رجنی کانت کے ساتھ بالی وڈ اسٹار اکشے کمار کی فلم 2.0 کی پہلی جھلک ایک ایونٹ کے دوران منظرعام پر لائی گئی۔ اکشے کمار نے ٹوئٹر پر اپنے کردار کا پوسٹر جاری کیا جس کے ساتھ انہوں نے لکھا ' برائی کو نیا چہرہ مل گیا'۔ اکشے کمار اس فلم میں ولن رچرڈ کا کردار ادا کررہے ہیں جو ایک تجربہ غلط ہونے کی وجہ سے کرو مین بن جاتا ہے۔
اس فلم کے کردار کے لیے اکشے کمار کو روزانہ چھ گھنٹے میک اپ کرانے کے لیے صرف کرنا پڑتے تھے۔ اکشے کمار کی محنت کو دیکھ کر رجنی کانت کا کہنا تھا ' اس فلم کے اندر میں فلم ہوں، حقیقت تو یہی ہے کہ 2.0 کا ہیرو رجنی کانت نہیں بلکہ اکشے کمار ہے، میں کبھی یہ کردار ادا نہیں کرپاتا، مگر اکشے نے اپنا کام بہت محنت سے کیا ہے'۔ فلم کی پہلی جھلک کے ایونٹ میں سلمان خان نے بھی شرکت کی اور ان کا کہنا تھا 'اکشے کمار واحد اداکار ہیں جو انڈسٹری میں آگے بڑھ رہے ہیں، باقی ہم سب تو ایک جگہ رک گئے ہیں'۔ اس فلم کی ہدایات شکر نے دی ہیں جو کہ رجنی کانت کی سائنس فکشن فلم روبوٹ کا سیکوئل ہے جسے آئندہ سال دیوالی کے موقع پر ریلیز کیا جائے گا
0 comments: