پاک بھارت فائنل: کائونٹ ڈائون شروع

پاک بھارت فائنل: کائونٹ ڈائون شروعلندن (17 جون 2017) آئی سی سی چیمئیپنز ٹرافی کے پاک بھارت فائنل کا کائونٹ ڈائون شروع ہوگیا۔ دنیا کا سب سے زیادہ دیکھا جانے والا کرکٹ میچ کل اوول کے تاریخی میدان میں کھیلا جائے گا۔بھارتی اسپنر ایشون کل پریکٹس سیشن کے دوران پٹھوں اور گھٹھنے کی تکلیف میں مبتلا ہوگئے تھے۔ اگر ایشون کل تک فٹ قرار نہ پائے تو ان کی جگہ امیش یادو کو فائنل الیون میں جگہ مل سکتی ہے۔کل کے میچ کے لئے بھارت کی ممکنہ ٹیم روہت شرما، شیکھر دھون، ویراہت کوہلی، یووراج سنگھ، مہندرا سندگھ دھونی، کیدر جادھو، رویندرا جدیجا، امیش یادو، بھنیشور کمار اور جسپریت بمراہ پر مشتمل ہوسکتی ہے۔جبکہ پاکستان کی طرف سے اظہر علی، فخر زمان، بابر اعظم، محمد حفیظ، شعیب ملک سرفراز احمد، عماد وسیم، محمد عامر، شاداب خان، حسن علی اور جنید خان پر مشتمل حتمی ٹیم گرائونڈ میں اتر سکتی ہے۔اوول کی پچ ڈرائے ہوگی جوکہ عموما بلے بازوں کے لئے مفید ہوتی ہے۔ اس پچ پر پہلے کھیلنے والے ٹیم سے 300 رنز تک کے ہدف کی امید رکھی جاسکتی ہے۔کل اوول کے میدان میں دھوپ کے نکلنے کی امید نہیں ہے۔ لیکن گرمی کی شدت کے بارے میں 30 ڈگری تک کی پیش گوئی کی گئی ہے۔

share