میاں چنوں میں جعلی پیر نوجوان لڑکی کے ساتھ دست درازی ،خاتون نے درگت بنا ڈالی

میاں چنوں (ڈیلی پاکستان آن لائن ) دست درازی پر جعلی پیر کی تاریخی چھترول، ایک اور جعلی پیر اپنی نازیبا حرکات کی وجہ سے خواتین کے ہتھے چڑھ گیا۔ شدید چھترول کے بعد ٹانگ بھی ٹوٹ گئی۔ میاں چنوں میں جب ایک خاتون جعلی پیر کے پاس بچے کی گمشدگی کا تعویز لینے گئی تو جعلی پیر صاحب نے خاتون سے کہا کہ اپنے ساتھ ایک 15سال کی لڑکی لاو¿ جس کے بعد میں عمل کر کے تعویذ بنا دوں گا ۔ خاتون 15سال کی لڑکی لیکر جعلی پیر کے پاس گئی تو جعلی پیر اسے الگ کمرے میں لے گیا۔ اس کی آنکھوں پر پٹی باندھ لی اور نازیبا حرکت کرنے کی کوشش کی تو اس لڑکی نے شور مچا دیا جس کے بعد وہ خاتون اندر گئی اور شور کی آواز سن کر لوگ بھی اکٹھے ہو گئے جس کے بعد اس پیر کی چھترول شروع ہوئی جس سے بچنے کیلئے اس پیر نے پہلی منزل سے چھلانگ لگا دی جس سے اس کی ٹانگ ٹوٹ گئی۔خواتین نے نیچے آکر بھی اس کی جان نہ چھوڑی اور اس کی چھترول جاری رکھی جس کے بعد جعلی پیر کی جان پولیس نے بچائی اور اسے گرفتار کر کے تھانے لے گئی۔

share