ایشوریا رائے کے اپنے سسرالیوں کے ساتھ تعلقات کیسے ہیں ؟ ویرات کوہلی اور انوشکا شرما کے استقبالیے کی تقریب میں اصل حقیقت کھل کر سامنے آ گئی ،میڈیا نمائندے بھی ہکے بکے رہ گئے

ممبئی(ڈیلی پاکستان آن لائن ) نامور بالی ووڈ اداکارہ ایشوریا رائے بچن اور ان کے سسرالیوں کے درمیان تعلقات کیسے ہیں یہ حقیقت حال ہی میں ویرات کوہلی اور انوشکا شرما کے استقبالیے کے دوران سامنے آئی۔

تفصیلات کے مطا بق دوروز قبل اداکارہ انوشکا شرما اور ویرات کوہلی کے دوسرے استقبالیے کی تقریب میں شوبز اورکرکٹ کے متعدد اسٹارز سمیت بچن فیملی نے بھی شرکت کی۔ بچن فیملی سے اداکار امیتابھ بچن، ان کی بیٹی شوئیتا نندا، ایشوریارائے اور ان کے شوہر ابھیشیک بچن شریک ہوئے۔ تقریب میں دیگر اسٹارز کی طرح میڈیا بچن خاندان کے انتظار میں باہر ہی موجود تھا اوران کے استقبالیے میں پہنچنے کے ساتھ ہی میڈیا نے ان سے تصاویر لینے کا مطالبہ کرنا شروع کردیا۔

تصاویر کھینچواتے وقت ایشوریا اوران کی نند شوئیتا نندا کے درمیان تعلقات کا پول کھل گیا۔ تصاویر لیتے وقت شوئیتا ایشوریا سے کافی ناراض نظرآئیں جب کہ دونوں نے کوئی بات بھی نہیں کی جس سے صاف ظاہر تھا کہ دونوں کے درمیان سرد جنگ چل رہی ہے۔

واضح رہے کہ یہ پہلی بار نہیں ہے جب ایشوریا کے ان کے سسرالی رشتے داروں سے اختلافات سامنے آئے ہوں ماضی میں بھی اس طرح کی خبریں منظر عام پر آچکی ہیں۔ حال ہی میں ایک تقریب کے دوران امیتابھ بچن نے اپنی بہو ایشوریا کو ڈانٹتے ہوئے کہا تھا کہ آرادھیا کی طرح حرکتیں کرنا بند کرو۔

share