ممبئی(یوا ین پی) بالی ووڈ اداکارہ رانی مکھرجی نے اپنی بیٹی ادیرا کی دوسری سالگرہ دھوم دھام سے منائی۔بھارتی میڈیا کے مطابق رانی مکھر جی بیٹی کو کیمرے سے دور رکھنے والی اداکارہ ہیں اس لیے سالگرہ کے موقع پربھی’’ ادیرا‘‘ کی تصاویرتو دیکھنے میں نہ آئیں البتہ تقریب میں بالی ووڈ ستاروں کی تصاویر خوب وائرل ہورہی ہیں۔ تقریب میں رانی کے قریبی دوست فلمساز کرن جوہر، شاہ رخ خان، کرینہ کپور، کرشمہ کپور، شلپا شیٹھی ، ریکھا، سری دیوی، کترینہ کیف سمیت دیگر نے خوب رونق لگائی۔ دوسری جانب کرینہ کپور کے بیٹے نواب تیمور علی خان مرکز نگاہ بنے رہے جبکہ سیروگیسی کے عمل کے ذریعے دنیا میں آنے والے کرن جوہر کے بیٹے اور بیٹی نے بھی خوب توجہ سمیٹی۔
0 comments: